為選擇醫院而煩惱4 － 位已留，荃灣港安

留左位，真係鬆一口氣。

早幾日，我地再打電話去問荃灣港安，佢地話產房已經搬左去新翼。我同老婆都好興奮，忍唔住第二日就要Site Visit多一次（咁岩約左朋友V係個頭飲茶）。

今次我地照舊直接上產科Department。新翼真係靚好多，產科個層有個Receiption添！

今次招乎我地既係護士長，佢好Nice咁帶我地睇左好多房，包括三人房，二人房，產房等等。睇完後，我同老婆都有共識，BB一定係呢度出世，因為真係好靚，好新，最緊要冇我最擔心既裝修味。

記低一下D資料先

1. 產科分兩層，12 和13 樓，每層都好大，每層好似有Over 20 間房。（好明顯係為雙非大茶飯而設，可惜現在得物冇所用）
2. 三人房和產房係12樓，一、二人房以及BB房係13樓。（呢個我有D擔心，如果住三人房，媽媽睇BB會有D唔方便）
3. 產房唔似我心目中既產房，好大（At Least 300 呎），完全係酒店格局。除左有張大床，仲有張梳化（陪產時，我估我訓個度），又有個60寸電視（等BB報到時，可以煲下劇），最攪笑係有個畀爸爸用既工作間，護士長話可以畀爸爸做下野喎。
4. 三人房同二人房分別不大，每人既空間都好夠。衣櫃間到上頂，好Private。
5. BB房同舊翼分別最大係，睇BB個Area同真係BB訓既Area有分隔。即係如果爸爸要睇BB，唔使入BB訓既Area，減低對其他BB影響。（呢個Design好好）

但，我有D疑惑。全程我冇見過一個媽媽，兩層樓都好靜，靜到好似一個人都冇。會唔會其實根本未完全搬過黎呢？

Anyway，我地都留左位，＄3000 蚊當買個保險。

再留意下有冇其他人呢排出Post 講荃灣港安生BB既資訊。

by Chloe's Daddy