為選擇醫院而煩惱2 － 揀好醫院，都仲要煩惱

經過一輪既研究（其實都係掃晒各大Forum既Comment），加上同老婆既詳細討論，我地都係決定係一個舒服D既環境下去迎接我地既BB。即係話，我地決定選擇私家醫院，而且會選擇自然分娩既方法。

點解呢？因為我有個朋友解開左我既心結（即係我老豆提過既私家醫院不幸事件）：

朋友V（佢個仔都係荃灣港安出世）：你邊擔心得咁多？你擔心個BB in case 有D咩事要轉去公立醫院，你亦可以擔心BB係公立醫院會有醫療意外。擔心咁多野，不如交畀個天啦。

無錯！交畀個天，佢係信觀音既。咁我亦都應該交託畀主。諗通左呢點，我地決地維持最開始既選擇，即係荃灣港安醫院，用自然分娩既方式生BB出黎。

不過，當我選定左醫院後，不幸地遇到另一個問題，荃灣港安正在會由舊大樓搬去新大樓，雖然只係搬過隔黎，但係呢個Transition period 會唔會有影響呢？

我既負思想開始發作：
新翼裝修冇耐，會唔會D甲酫未散？
會唔會D Machine漏左係舊翼，新翼冇得用？
會唔會D醫生唔熟新地方，搵唔到把鉸剪去剪臍帶？

當負思想一爆發，好難控制得到。

其實一月尾時，我地去過Site Visit。當時我地直入產科Department（還在舊翼），出乎意料地非常之靜。剛好有個護士經過，我地表明來意後，佢Refer左我地畀Ward manager，而Ward Manager好Nice咁同我地介紹左下D Plan，並且同我地講，其實佢地都唔係咁Full，唔使咁早Book 位（其實留位費都係3000，我想即時留左先，反正Cancel的話只係扣＄300作Admin Fee，但我老婆阻止左）。而我當然問左最最最重要既問題，到底產科幾時搬？答案係農曆年後，即二月尾。 Perfect！BB預產期係五月尾，有三個月畀新翼Run，應該無咩意外掛。

點知早幾日，我地打去再問，竟然仲未搬！？

就係呢個問題，令我又要再諗到底係咪一定要荃灣港安呢？於是，我又變返一個諗樣⋯⋯

by Chloe's Daddy